წმ.გიორგის სახელობის ბრიტანულ-ქართული სკოლა

ზაფხულის ბოლოს BGS-ს ვესტუმრე. გწერთ სახლში დაბრუნებამდე. მიხარია, რომ დავესწარი სკოლის დამამთავრებელ ღონისძიებებს როგორც მეთორმეტე, ისე მეხუთე და პირველი კლასებისთვის. ჩემთვის ყველაზე სასიამოვნო ნაწილი ამ ღონისძიებებისა იყო თავად მოსწავლეების წვლილი, რაც, საბოლოო ჯამში, საგანმანათლებლო საზოგადოების ნამდვილი ზეიმი იყო.

სკოლა განვითარებას განაგრძობს, ის მეგობრული და მობილიზებულია. ვხედავ, როგორც ვითარდებიან მოსწავლეები აკადემიურად, კულტურულად და პიროვნულად. დავესწარი ბევრ გაკვეთილს და ძალიან დადებითად შევაფასე სწავლა-სწავლების მიმდინარე ხარისხი. მე, ასევე, კიდევ ერთხელ დავრწმუნდი და დავადასტურე, რომ ბრიტანული საერთაშორისო გამოცდები ზუსტი წესების დაცვით ტარდება.

იმედი მაქვს, რომ  აგვისტოში საერთაშორისო გამოცდების ძალიან კარგ შედეგებს მივიღებთ. ასევე ველი სექტემბერში ახალი სასწავლო წლის დაწყებას, უფრო მეტი მოსწავლეებით და გაუმჯობესებული და განახლებული სკოლის შენობით. ბედნიერ ზაფხულს გისურვებთ!

საინფორმაციო ბიულეტენი

ექსკურსიები დაგვირგვინდა სამდღიანი სახალისო-შემეცნებითი ტურით იმერეთი-სამეგრელო.

BGS-ელების გუნდი შედგა VII – VIII - IX - X კლასების მოსწავლეებისაგან.

მსგავსი აქტივობები ძალიან მნიშვნელოვანია სასკოლო ხცოვრებაში - უკეთ გასაცნობად, ერთმანეთთან დასამეგობრებლად.

განსაკუთრებული მადლობა თავდადებისათვის ქალბატონებს: ეკა კვაჭანტირაძეს, ლალი ბერიშვილსა და გურანდა ჭიჭინაძეს.

გალერეა

14 ივნისს სკოლის სტადიონზე დაწყებითი საფეხურის დამამთავრებელი ღონისძიება გაიმართა.

პატარებმა კომპოზიციურად ძალიან საინტერესოდ შეკრული კონცერტი წარმოგვიდგინეს.

დაწყებითი საფეხურის მოსწავლეებს სიტყვით მიმართეს სკოლის დირექტორმა ეკა კვაჭანტირაძემ, ემერიტუს დირექტორმა კრისტოფერ გრინფილდმა.

პირველკლასელებს გადაეცათ სერტიფიკატები, მეხუთე კლასის მოსწავლეებს კი საზეიმოდ მივულოცეთ ახალ საფეხურზე გადასვლა.

დაწყებით საფეხურზე წლის საუკეთესო მასწავლებლად ქეთევან გელაშვილი, ხოლო საუკეთესო მოსწავლედ მეოთხეკლასელი ბურჰან კენტი (ნომინაცია საუკეთესო მეგობარი) დასახელდნენ.

აღსანიშნავია, რომ მოსწავლეებმა სპეციალურად ამ საღამოსთვის დაწერილი სიმღერა "BGS" შეასრულეს.

გალერეა

12 ივლისს, ტრადიციულად ღია ცის ქვეშ, BGS-ის სტადიონზე სკოლის დამამთავრებელი ღონისძიება ჩატარდა.

წლევანდელი სასწავლო წლის კურსდამთავრებულებს სიტყვით მიმართეს სკოლის დირექტორმა ეკა კვაჭანტირაძემ, ემერიტუს დირექტორმა ქრისტოფერ გრინფილდმა, საქართველოს განათლების, მეცნიერების, კულტურისა და სპორტის მინისტრის მოადგილემ, ნათია ზედგინიძემ, კავკასიის უნივერსიტეტის და უნივერსიტეტების პრეზიდენტების საერთაშორისო ასოციაციის პრეზიდენტმა, კახა შენგელიამ და კლასის დამრიგებელმა ირმა ქირიკაშვილმა.

მსგავსი ღონისძიებები ყოველთვის სახალისოა, მაგრამ, ამავდროულად, ნაღვლიანი.

წარმატებას ვუსურვებთ ჩვენს კურსდამთავრებულებს! ამავე საღამოზე საბაზო და საშუალო საფეხურის წლის საუკეთესო მასწავლებლად რუსული ენისა და ლიტერატურის პედაგოგი - ნინო ჩიხლაძე, ხოლო საუკეთესო მოსწავლედ - ანი ჩიქოვანი (VI კლ.) დასახელდნენ.

გალერეა

2 დღის განმავლობაში BGS მასპინძლობდა ჯავახეთის ნინოწმინდის წმინდა ნინოს სახელობის ბავშვთა პანსიონატის ექვს აღსაზრდელს.

ეს იყო 2 მაქსიმალურად დატვირთული და მათივე აღნიშვნით, დაუვიწყარი დღე, რომელიც BGS-მა აჩუქა ჩვენს არაჩვეულებრივ სტუმრებს.

სასწავლო წლის ბოლოს გაიმართა ამხანაგური მატჩი მინი ფეხბურთში სკოლა "ათინათის" მოსწავლეებსა და BGS-ელებს შორის.

BGS-ელებმა უმასპინძლეს მეზობელი სკოლა "ათინათის" ბავშვებს და მოაწყეს "მხიარული სტარტები". ყველა აქტიურად და ხალისით ჩაება სპორტულ აქტივობაში.

გალერეა

ცეკვის ანსამბლმა "BGS გრემმა" მორიგი წარმატებით გაგვახარა - "თბილისი არტ ჰოლში" გამართულ კონცერტზე პატარა მოცეკვავეებმა დიდი მოწონება დაიმსახურეს.

ილიას სახლ-მუზეუმის დათვალიერება ყოველთვის საინტერესოა, ერთხმად აღნიშნეს X-XI კლასების მოსწავლეებმა.

სახლი საგურამოში, სადაც ამჟამად მუზეუმია განთავსებული, 1895 წელს აუშენებია ილია ჭავჭავაძეს.

აქ წარმოდგენილია მწერლის მემორიალური ნივთები, XIX საუკუნის ქართული კულტურის წარმომადგენელთა ფოტოები ეპოქის ყოფის ამსახველი ფოტომასალა, მწერლის ხელნაწერები, მისივე გამოცემული პერიოდიკის ნიმუშები.

ეს არასრული ჩამონათვალია იმ ექსპონატებისა, რომლებიც შეგიძლიათ იქ იხილოთ და ილიას სამყაროში აღმოჩნდეთ.

გალერეა

მაისი-ივნისი გადატვირთული თვეებია გასვლითი აქტივობებით. VII-VIII კლასის მოსწავლეებმა მოილოცეს ყინწვისის წმ. ნიკოლოზის სახელობის (XII-XIII სს) მონასტერი. ყველა აღაფრთოვანა კედლის საოცარმა მხატვრობამ.

გალერეა

VI კლასის მოსწავლეებმა მოილოცეს მანგლისის ღვთისმშობლის მიძინების საკათედრო ტაძარი.
შემდეგ კი ბავშვები სპორტის მასწავლებლებთან ერთად გაერთნენ ბუნების წიაღში, კარგია ერთად ყოფნა!